Good Friday: How Christians celebrate am across di world

Last updated: 2025/04/18 at 9:32 AM

By heraldtoday Add a Comment

Man dressed as Jesus Christ stands at the cross during Good Friday street theatre performance by Wesley Mission volunteers at Martin Place on April 18, 2025 in Sydney, Australia.

38 minutes wey don pass

Good Friday na di Friday bifor Easter day. Evri year, Christians dey observe di remembrance of di crucifixion and resurrection of Jesus Christ.

Beginning from early days of Christianity, Christian believers dey observe Good Friday as a day of sorrow, day of repentance and fasting.

Dis year 2025, Good Friday fall on 18 April.

Although dis day na day of sorrow for Christians, di weekend of Good Friday na di most important weekend for di history of Christianity.

Believers of dis faith believe say na di day wey Jesus Christ die for dia sins, and dem bury am and im rise up on di third day as conqueror of sin and death.

Christians dey participate in di religious procession on Good Friday for India

Good Friday performance for Paombong, Bulacan province, Philippines.

Why dem dey celebrate Good Friday

Pctures of di hand of one man wey dem nailed to di cross during Good Friday for Australian.

Jesus die on di cross on Good Friday, di Bible tok, and e resurrect on Easter Sunday.

The Bible also record say dem beat Jesus publicly and force am to carry heavy wooden cross through di streets as di crowd dey publicly shame am.

According to di Bible, dem nail Jesus to di cross by di wrists and feet, wia e die. Now, Christians see im death as sacrifice to absorb di sins of humanity and allow im followers to get relationship wit God, im papa and access to heaven.

For Nigeria, several churches also enta di streets to demonstrate how Jesus bin suffer bifor im die.